АСТАНА. ҚазАқпарат – Бүгін Астанада халықаралық «Qazaqstan Hockey Open 2023» турниріндегі алғашқы ойында Қазақстан құрамасы Ресеймен кездеседі, деп хабарлайды ҚазАқпарат тілшісі.
Қазақстан мен Ресей ойыны елорда уақытымен 19:20-да басталып, «Qazsport» телеарнасынан тікелей эфирде көрсетіледі.
Сондай-ақ, халықаралық турнир аясында қазақстандық хоккейшілер 7 мамырда Беларусьпен шеберлік байқасады.
Ал, 13 мамырда ел құрамасы Финляндияның Тампере және Латвияның Рига қаласында өтетін әлем чемпионатында В тобындағы ойынын бастайды. Қарсыластары – Канада, АҚШ, Швейцария, Словакия, Латвия, Норвегия және Словения.
Қазақстандық хоккейшілер топтық кезеңдегі ойындарын Рига қаласында өткізеді.
Еске салсақ, бұдан бұрын шайбалы хоккейден Қазақстан құрамасы Оңтүстік Кореяны жолдастық кездесуде екінші мәрте жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.