НҰР-СҰЛТАН. ҚазАқпарат - Шайбалы хоккейден жасөспірімдер арасында әлем чемпионатында қазақстандықтар екінші жеңісіне қол жеткізді, деп хабарлайды ҚазАқпарат тілшісі.
Еске салсақ, қазақстандық хоккейшілер бірінші дивизионда А тобында сынға түсіп жатыр.
Қарсыластары - Норвегия, Дания, Словакия, Франция және Жапония.
Қазірге дейін төрт ойын өткізді. Алғашқы екі кездесуде Норвегиядан 2:9, Франциядан 2:4 есебімен жеңілді.
Одан кейін Данияны 4:2 есебімен сүріндірсе, үшінші кездесуде Жапониядан 4:3 есебімен басым түсті.
Енді Қазақстан хоккейшілері 17 сәуірде Словакиямен кездеседі.
Еліміздің жасөспірімдер құрамасына Сергей Старыгин бапкерлік жасайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.