Бұл кездесу 20 сәуірге белгіленген.
Шайбалы хоккейден жасөспірімдер арасындағы әлем чемпионаты 25 сәуір мен 5 мамыр аралығында Финляндияда өтеді.
Дүбірлі додада қазақстандық хоккейшілер 20 жылдық үзілістен кейін қайтадан бақ сынайды. Былтыр олар бірінші дивизионда жеңімпаз атанып, элиталық дивизионда ойнауға мүмкіндік алды.
Қазақстандық хоккейшілер В тобында Вантаа қаласында ойнайды. Қарсыластары – Швейцария, Чехия, Швеция және Канада.
Қазақстан құрамасының ойын кестесі:
26 сәуір. 18:00. Швейцария – Қазақстан
27 сәуір. 18:00. Қазақстан – Швеция
29 сәуір. 18:00. Чехия – Қазақстан
30 сәуір. 22:00. Қазақстан – Канада.
Ширек финал - 2 мамыр, жартылай финал – 4 мамыр күндері болады.
Ал, финал мен үшінші орын үшін сайыс 5 мамырға белгіленген.
Айта кетсек, бұдан бұрын шайбалы хоккейден әлем чемпионатында Қазақстан жастар құрамасының ықтимал қарсыластары анықталды.