Хоккейден құрлық кубогы: «Сарыарқа» қарсыласына есе жіберді
Қазақстандық клуб аталған кездесуде Польшаның «Краковия» командасымен шеберлік байқасты. Ойын барысында қарағандылық хоккейшілер есеп ашқан еді. Одан кейін польшалық клуб екі шайба соғып кетті. Нәтижесінде «Сарыарқа» қарсыласына 1:2 есебімен жол берді.
«Краковия» (Краков, Польша) - «Сарыарқа» (Қарағанды, Қазақстан) 2:1 (0:1, 2:0, 0:0)
0:1 - Рахманов (Аноховский, Барбашев) - 03:47
1:1 - Попитич (Соловьёв) - 27:10 ГМ
2:1 - Гула (Мищенко) - 34:45
Енді «Сарыарқа» 7 наурызда Данияның «Ольборг» командасымен кездеседі.
Құрлықтық кубок ойындары 1998 жылдан бері тұрақты түрде өткізіліп келеді. 2018/2019 жылғы кезеңде қазақстандық «Арлан» (Көкшетау) аталған турнирде жеңімпаз атанды.
Ал 2016/2017 жылғы кезеңде «Бейбарыс» (Атырау), 2017/2018 жылғы кезеңде «Номад» (Нұр-Сұлтан) күміс жүлдеге қол созды. Сондай-ақ, 2007/2008 жылғы кезеңде «Қазцинк-Торпедо» (Өскемен) үздік үштікті түйіндеді.