НҰР-СҰЛТАН. ҚазАқпарат - Елордада шайбалы хоккейден ҚР Президенті кубогы басталды, деп хабарлайды ҚазАқпарат тілшісі.
Аталған сайыста қазақстандық «Барыс», «Сарыарқа», «Торпедо» клубтарымен бірге Қытайдың «Куньлунь Ред Стар» командасы бақ сынайды.
Алғашқы турда «Барыс» ойламаған жерден «Сарыарқаға» 3:4 есебімен жеңіліп қалды. Ал «Торпедо» дәл сол есеппен «Куньлунь Ред Старға» жол берді.
Енді 12 тамызда «Сарыарқа» мен «Торпедо», «Куньлунь Ред Стар» мен «Барыс» командалары шеберлік байқасады.
Айта кетейік, аталған турнир 11 және 15 тамыз аралығында өткізіледі. Командалар іріктеу сатысында бір-бір ойыннан өткізеді. Одан кейін алғашқы екі орындағы ұжымдар жарыстың финалдық сатысына шықса, қалған екеуі үшінші орын үшін сайысқа түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.