АСТАНА.KAZINFORM - Йемендік көтерілісші «Ансар Аллах» қозғалысының хуситтері Тель-Авивтегі Бен-Гурион әуежайына баллистикалық зымыранмен шабуыл жасады, деп хабарлады көтерілісшілер қарулы күштерінің өкілі Яхья Сариа.
— Зымыран күштері әскери операция жүргізді, оның барысында Лод әуежайына (Бен-Гурион) «Палестина-2» типті баллистикалық зымыранымен соққы берді, — деді ол «Ансар Аллах» бақылауындағы Al Masirah телеарнасына.
Сариа операцияның «мақсатына сәтті жеткенін» атап өтті.
«Ансар Аллах» әскери өкілінің айтуынша, шабуыл салдарынан әуежайдың жұмысы уақытша тоқтатылды.
Айта кетейік, Ливан Израильмен шекарада әскер санын 10 мыңға дейін көбейтпек.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.