ЛОНДОН. KAZINFORM - Жақын арада Ұлыбритания халқы Қызыл теңіздегі кеме қатынасының қиындығына байланысты шай тапшылығына тап болуы мүмкін. Өйткені хуситтердің шабуылы салдарынан кеме иелері Африканы айналып өтіп, тауарды ұзақ жолмен тасымалдауға мәжбүр, деп жазады ВВС.
Елдегі ең ірі супермаркет желілерінің бірі Sainsbury's қара шай жеткізілімінде үзілістер болуы мүмкін екенін ескертті.
Сонымен қатар, елдегі екінші ірі шай бренді Tetley Tea жеткізілім «біршама шектеулі» екенін, бірақ компания әдеттегі сұранысты қанағаттандыруды жалғастыра беретінінін мәлімдеді.
Дегенмен, Tetley Tea қазіргі уақытта өндіріс бұрыңғы деңгейінде қалса да, жеткізілімдегі үзілістер қоймалардағы шикізат қорының төмендеуіне әкелуі мүмкін екенін айтты.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.