АСТАНА. ҚазАқпарат – Қазақстан бокс федерациясының вице-президенті Азиз Қожамбетов IBA-ның рейтингіндегі Қазақстан боксшыларының дәрежесіне қатысты пікір білдірді, деп хабарлайды ҚазАқпарат тілшісі.
«Бүгін IBA-ның рейтингі шықты. Қазақстан Иорданиядағы Азия біріншілігіне дейін әлемде 3- орында тұр. Осы біріншіліктен кейін 1, 2-орындардан көрінуіміз әбден мүмкін. Боксшыларымызға сәттілік тілей жүріңіздер!», - деп жазды А.Қожамбетов әлеуметтік желідегі парақшасында.
Аталған рейтингіде АҚШ 1- орында тұрса, Бразилия 2- орынға жайғасқан.
Айта кетейік, бокстан Азия чемпионаты Иорданияда биыл 30 қазан мен 13 қараша аралығында өтеді.
Фото : setopen.sportdata.org
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.