Америкалық кәсіпкер, Tesla және SpaceX компанияларының негізін қалаушы, Х (бұрынғы Twitter) әлеуметтік желісінің иесі Илон Маск Израильге барды. Kazinform бұл туралы Reuters агенттігіне сілтеме жасап хабарлайды.
Илон Маск Тель-Авивке жеке ұшағымен келді. Ол Израиль президенті Ицхак Герцогпен, премьер-министр Биньямин Нетанияхумен кездесіп, Газа секторы шекарасындағы ауылдарды араламақшы.
Естеріңізге сала кетейік, қазір Израиль мен ХАМАС арасында Катардың араласуымен болған төрт күндік бітімгершілік аясында тұтқын алмасу ісі жүріп жатыр.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.