АСТАНА. ҚазАқпарат - Оңтүстік Кореяның Инчхон қаласында өтіп жатқан 17-ші Азия ойындарында Қазақстан боксшысы Жайна Шекербекова күміс медальді еншіледі, деп хабарлады ҚР Бокс федерацииясының баспасөз қызметінен.
«Қазақстандық боксшы қыз Жайна Шекербекова өкінішке орай, Азия ойындарының финалдық кездесуінде жеңіске жете алмады. Шешуші сайыста ол үндістандық Мэри Комға есе жіберді», - делінген хабарламада.
Айта кетерлігі, Жайнаның бұл қарсыласы - әлемнің бес дүркін чемпионы.
Ертең, ерлер арасындағы жартылай финалдық кездесулер өтеді. Бұл сында Қазақстан тарапынан 8 спортшы сайысқа шығады.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.