АСТАНА. KAZINFORM — Қазақстанның жұптық сындағы бірінші, әлемнің 7-ракеткасы Анна Данилина Индиан-Уэллс (АҚШ) WTA 1000 жартылай финалына шықты.
Жарыстың 5-ракеткалары А.Данилина — сербиялық Александра Крунич ширек финалда ресейлік Мирра Андреева — канадалық Виктория Мбокомен шеберлік байқасты.
А.Данилина мен А.Крунич тәжірибелі теннисшілер болса, М.Андрева 18, В.Мбоко 19 жаста еді.
Бірінші партиияда қазақстандық-сербиялық жұп тай-брейкте басымдылық танытты — 7:6 (7:5).
Екінші сетте 6:2 есебі тіркелді.
Бір сағат 24 минутқа созылған матчта Данилина — Крунич 1 эйспен бірге 6 брейк-пойнттың төртеуін пайдаланды. Мбоко — Андреева 1 эйс, 2 брейкпен (5 брейк-пойнт) шектелді.
Анна Данилина — Александра Крунич финалға шығу үшін доданың 7-ракеткалары, испаниялық Кристина Букша — америкалық Николь Меликар-Мартинеспен таласады.
Еске сала кетейік, бұдан бұрын Индиан-Уэллс турнирінде Елена Рыбакинаның төртінші айналымға жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).