АСТАНА. KAZINFORM - Талдықорған қаласында өтіп жатқан индорхоккейден Қазақстан ерлер құрамасы Азия кубогы плей-офф сатысына шықты.
Қазақстандық хоккейшілер В тобында Индонезия, Малайзия және Оман құрамаларымен сынға түседі.
Алғашқы кездесуінде ел құрамасы Индонезияны 6:2 есебімен тізе бүктірді.
Ел құрамасы 22 мамырда алдымен Малайзиямен 3:3 есебімен тең ойнаса, одан кейін Оман құрамасынан 4:0 есебімен басым түсті.
Енді қазақстандық хоккейшілер 23 мамырда Иранмен кездессе, 24 мамырда Таиландпен шеберлік байқасады.
Ал 25 мамырда финал мен 3-орын үшін ойындар болады.
Еске салсақ, бұдан бұрын индорхоккейден Азия кубогында Қазақстан әйелдер құрамасы күміс алды.
Еліміздің ерлер құрамасы Азия кубогында 2015, 2017, 2019 жылдарда күміс жүлдегер болса, 2014, 2022 жылдарда қола медальға қол созды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.