АСТАНА. ҚазАқпарат - Жылдық өлшемде қыркүйекте инфляция деңгейі 7,4 пайыз болды. Бұл туралы бүгін Орталық коммуникациялар қызметіндегі брифингте ҚР Ұлттық банкінің төрағасы Қайрат Келімбетов мәлім етті.
«Өздеріңіз білесіздер, қыркүйекте инфляция 0,5 пайызды құрады. Қаңтар-қыркүйек аралығында инфляция 5,9 пайызға жетті. Осы орайда жылдық өлшемде қыркүйекте оның деңгейі 7,4 пайыз болды. Бұл өз кезегінде ол Үкімет пен Ұлттық банк тарапынан жоспарланған 6-8 пайыз диапазонында тұр», - деді Қ.Келімбетов.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.