"Соңғы 2 жылда шекті тариф бағдарламасы енгізіліп, жүзеге асырылуда. Соның нәтижесінде электр энергиясы станциялары 2015-2020 жылдары өз қуатын дамытуды жоспарлап, ірі банктік қарыздарды тартуға мүмкіндік алды. Бұл айтарлықтай капитал сыйымдылығы бар жұмыстарды жасауға және ресурстық қуатты қалпына келтіруге жол ашты", - дейді индустрия және жаңа технологиялар вице-министрі Бақытжан Жақсалиев.
Оның айтуынша, энергетика саласын дамытуда желілік компаниялардағы тарифті қалыптастыру әдістемесін жетілдірудің өзіндік орны бар. Бұл кірісті тұрақтандыру мен инвестиция тартуға мүмкіндік береді. Мәселен, 2009-2015 жылдары инвестициялық келісім бойынша энергетика саласына 1,1 триллион теңге инвестиция тарту болжануда.