Мосул әуежайында және жақын маңдағы әл-Газлани әскери базасына ирак жасағының шабуыл жасағаны бейсенбі күні таңертең белгілі болды. Операция АҚШ басшылық ететін халықаралық коалицияның қолдауымен жүргізілген.
Би-би-си тілшісі Квентин Соммервилльдің хабарлауынша, содырлар әуежайдың ұшу-қону жолағын толығымен жойып жіберген, алайда әуежай аумағын бақылауға алу үкіметтік күштерге содырларға оңтүстіктен келетін қосымша күштің жолын кесуге мүмкіндік береді.