АСТАНА. 31 тамыз. ҚазАқпарат - Ирактың солтүстігінде орналасқан Туз Хурмато қаласында қуатты 2 жарылыс болды. Көлікке орнатылған бомбаның іске қосылуынан кемінде 11 адам қаза тапты. Бұл жайында Утро.ру жергілікті полицияға сілтеме жасап хабарлады.
Бірінші бомба қалаға кіре беріс жолда жарылса, оқиға орын алған жерге жергілікті тұрғындар жақындаған мезетте екінші құрылғы да іске қосылған. Қаза тапқандардың басым бөлігі - балалар.
Айта кетейік, таяуда Бағдадтың солтүстігіндегі Самара қаласындағы жарылыс салдарынан кемінде 16 адам қаза тапқан болатын.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.