Парламенттің заң комиссиясының мүшесі Абульфазл Абутурабидің айтуынша, талқыланып отырған жобаны Иран президенті басқарған 14 адамнан құрылған жұмыс тобы астананы көшіру мәселесін жан-жақты қарап, бір жылдан кейін парламентке зерттеу нәтижелерін ұсынса бекітілуі мүмкін.
Астананы көшіру туралы ұсыныстар бұрын да айтылған болатын. Оны өзгертуге себеп - Тегеран халқы санының өсуі және оның сейсмикалық белсенді аймақта орналасуы болып отыр. Ресми мәліметтерге қарағанда, қазіргі кезде Тегеранда 12-13 млн. адам тұрады.
Махмуд Ахмединежаттің президенттігі тұсында Тегераннан 200 мың мемлекеттік қызметкерді көшіру жобасы басталғанмен, ол аяқталған жоқ.
Бұдан бұрын ирандық БАҚ-та астананы Тебризге көшіру туралы ақпарат пайда болған еді. Бірақ та қазіргі уақытта асананың қайда орналасуы мүмкін екендігі жөнінде нақты ақпарат жоқ.