АСТАНА. KAZINFORM – Иран билігі ирандық-израильдік қақтығысы кезінде Израильдің адам құқықтарын өрескел бұзғаны туралы дәлелдерді Халықаралық Қылмыстық Сотқа (ХҚК) жібереді. Бұл туралы Иран Қызыл Жарты Ай қоғамы басшысының орынбасары Разие Алишаванди мәлімдеді, деп хабарлайды ТАСС.
– Біздің ұйым адам құқықтарының өрескел бұзылғанын дәлелдейтін айғақтарды ХКС-ке жібереді және біз [осы мәселе бойынша] басқа халықаралық органдармен ынтымақтасатын боламыз, - деп келтіреді оның сөзін IRNA.
Иранның Қызыл Жарты Ай қоғамының мәліметі бойынша, Иран мен Израиль арасындағы 12 күнге созылған қарулы қақтығыста 10 жедел жәрдем көлігі мен 8 медициналық мекемеге шабуыл жасалып, 102 әйел мен 38 бала қаза тапқан.
Бұған дейін Ислам республикасы билігі Израильдің Иран территориясына жасаған соққыларынан қаза тапқандар саны 1 060-қа жеткенін хабарлаған.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы