Иран Израильге қарсы зымырандық соққылардың жаңа толқынын бастады

АСТАНА. KAZINFORM — Иран Израиль аумағына зымырандық соққылардың жаңа толқынын бастады, деп хабарлайды Report.

Бұл ақпаратты Израиль қорғаныс күштері (IDF) растады.

IDF баспасөз хатшысы әуе шабуылына қарсы қорғаныс күштерінің нысаналарды ұстап жатқанын айтты. Елдің бірнеше аймағында, соның ішінде Израильдің солтүстігі мен орталығында әуе шабуылы туралы ескерту жарияланды.

Еске салайық, кеше Израиль Тегеранға «превентивтік соққы» жасады.

Осыдан кейін Иран Израильге қарымта жауап ретінде бірнеше зымыран жіберді. Иран Израильдің солтүстік және орталық аймақтарына, сондай-ақ Иерусалимге зымырандар ұшырып, бірнеше өңірде әуе дабылы іске қосылды. Халыққа тез арада қауіпсіз орындарға бару ескертілді.

Сондай-ақ Иран Парсы шығанағындағы АҚШ-тың әскери нысандарына шабуыл жасады.

АҚШ пен Израильдің Тегеранға жасаған соққыларына байланысты Иранның жоғарғы жетекшісінің тағдыры жөнінде қарама-қайшы ақпараттар пайда болды. Шабуыл салдарынан Иранда 201 адам қаза тапты.