АСТАНА. KAZINFORM — Иран Сыртқы істер министрлігінің ресми өкілі Исмаил Бағаи соңғы 24 күн ішінде АҚШ-пен ешқандай келіссөз бен диалог болмағанын мәлімдеді. Ол сондай-ақ Ислам Республикасының Ормуз бұғазы мен қақтығысты аяқтау шарттарына қатысты ұстанымы өзгермегенін атап өтті. Бұл туралы ИРНА жазды.
Иран Ислам кеңесі мәжілісінің төрағасы Мохаммад-Багер Ғалибаф та АҚШ-пен келіссөздер жүргізілмегенін растады.
— АҚШ-пен ешқандай келіссөз болған жоқ. Жалған ақпарат қаржы және мұнай нарықтарын манипуляциялау үшін таратылады, — деп жазды ол X әлеуметтік желісінде.
Айта кетейік, бұған дейін АҚШ президенті Дональд Трамп соңғы екі күнде АҚШ пен Иран арасында «өте жақсы және нәтижелі келіссөздер» өткенін мәлімдеген еді.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)