Бұл туралы Иран президенті Масуд Пезешкиан мәлімдеді.
— Атқарушы билік елде қалыптасқан ерекше жағдайдағы ахуалды бақылау үшін жұмыс құрылымын қайта құрып, басқарудың жаңа жүйесін енгізді, — деп жазды Иран президенті өзінің X әлеуметтік желісіндегі ресми парақшасында.
Пезешкианның айтуынша, соңғы айларда Иран қарсыластарының елге қатысты стратегиясы мемлекеттің тіршілігін қамтамасыз ететін негізгі салаларға — энергетика, қаржы және логистика секторларына бағытталған.
Президенттің сөзінше, бұл әрекеттердің басты мақсаты — жасанды тапшылық қалыптастырып, азаматтарға түсетін қаржылық ауыртпалықты күшейту арқылы қоғамда наразылық туғызу болды.
— Иранға экономикалық қысым айтарлықтай күшейді. Алайда халқымыздың табандылығы және атқарушы биліктің дер кезінде қабылдаған дағдарысқа қарсы шараларының арқасында қарсы тараптың экономикалық соғыстағы негізгі жоспарларын жүзеге асыруына жол бермедік, — деп қорытындылады мемлекет басшысы.
Осыдан бұрын хабарланғандай, Иран Ормуз бұғазын ашу туралы ұсынысқа АҚШ-тың жауабын күтіп отыр.
Сонымен қатар Иран АҚШ-қа соғысты тоқтатудың жеті күндік жоспарын ұсынғанын жазған болатынбыз.