ТЕГЕРАН. ИРНА – ҚазАқпарат – Иран денсаулық сақтау министрлігінің мәліметінше, елде коронавирус жұқтырғандар саны 8042 адамға жетті, деп хабарлайды ҚазАқпарат ИРНА агенттігіне сілтеме жасап.
Денсаулық сақтау министрлігінің өкілі Киануш Джаханпур соңғы тәуліктерде тағы 881 адамның қауіпті індетті жұқтырғанын хабарлады.
«Осылайша Иранда коронавирусқа шалдыққандар саны 8042-ге жетті», - деп мәлім етті ол баспасөз мәслихатында.
Киануш Джаханпурдың сөзіне сенсек, вирус жұқтырғандар ішінде 2731 адам аурудан айыққан. Ал 291 адам көз жұмған.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.