ОРАЛ. ҚазАқпарат - БҚО-ның Ақжайық ауданында ер адам Жайық өзеніне батып кетті, деп хабарлайды ҚазАқпарат тілшісі.
БҚО ТЖ департаменті жедел құтқару жасағы судан құтқару қызметінің басшысы Алексей Еремеевтің айтуынша, оқиға кеше Чапаев ауылында түс шамасында болды.
1983 жылғы ер адам мас күйінде суға түсуге рұқсат етілмейтін жерден түскен. Марқұмның денесін сағат 15.50-де № 6 жедел құтқару жасағы бөлімінің қызметкерлері (5 адам 1 техника, 1 жүзу құралының көмегімен) алып шықты.
БҚО ТЖ департаментінің баспасөз қызметінен түскен мәліметке қарағанда, әзірге жыл басынан бері облыста екі адам суға кеткен болып есептеліп отыр. Қалғандары бойынша себебі сот-медициналық сараптама қорытындысына сәйкес белгілі болады.
Еске сала кетейік, бұдан бұрын өңірде тағы бір адамның суға кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).