ОРАЛ. 13 қаңтар. ҚазАқпарат - Орал қаласында 5517-әскери бөлім жауынгерлері тоғыз қабатты үйлердің бірінде болған өрттен сегіз адамды (оның үшеуі - бала) құтқарды.
«Батыс» өңірлік қолбасшылығы баспасөз қызметінен түскен мәліметке қарағанда, 11 қаңтар күні 22 сағат 15 минут шамасында 6-шағынауданда құрамында кіші сержант Серік Сәлиев, қатардағы жауынгер Әділхан Чекманов бас әскери топқа №68 тұрғын үйде тұратын әйел 63-пәтерден түтін шығып жатқанын хабарлайды. Сол бойда олар болған оқиғаны кезекшіге хабарлап, өздері оқиға орнынан сегіз адамды жедел алып шығады. Содан кейін есікті бұзып кірген әскерилер төтенше жағдайлар қызметкерлерімен бірге диванда ұйықтап жатқан М.Мерғалиевті шығарады. Оған жедел жәрдем келгенше алғашқы медициналық көмек көрсетіледі. Сосын өрт сөндірушілер келгенше өртті де сөндіреді.
Өз міндеттерін үлгілі орындағаны және батылдығы үшін аталған жауынгерлер марапатқа ұсынылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).