АСТАНА. ҚазАқпарат - Ішкі нарықтағы астық бағасы көтерілді. Бұл туралы бүгін ҚР Президенті жанындағы Орталық коммуникациялар қызметінде өткен брифингте ҚР АШМ Агроөнеркәсіп кешеніндегі мемлекеттік инспекция комитетінің төрағасы Сақташ Қасенов мәлім етті.
«2014 жылы 3-ші сұрыпты жұмсақ бидайдың ішкі нарықтағы бағасы тоннасына 42 мың теңгені құрады. Бұл өткен жылғы бағамен салыстырғанда біршама жоғары», - деді ол.
Комитет басшысының сөзіне қарағанда, 4-ші сұрыпты бидайдың тоннасы 36 мың, 5-ші сұрыпты бидай 28 мың теңгені құрайды.
«Осылайша астық шығымы мен сапасының төмендеу ағымдағы жылы астық бағасының артуы есебінен өтелетін болады», - деді С.Қасенов.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.