АСТАНА. ҚазАқпарат - Бакуде өтіп жатқан IV Ислам ынтымақтастық ойындарында қазақстандық былғары қолғап шебері Сұлтан Заурбек 60 келіге дейінгі салмақта қола жүлдені қанағат тұтты, деп хабарлайды ҚазАқпарат.
Ақтық сында Сұлтан Заурбек әзербайжандық Джавид Чалабиевке есе жіберді.
Бұған дейін 52 келіге дейінгі салмақта қазақстандық боксшы Азат Махметов финалдық сынға жолдама алғанын хабарлаған болатынбыз.
Еске сала кетейік, 2017 жылдың 12-22 мамыры аралығында Бакуде IV Ислам ынтымақтастық ойындары өтіп жатыр. Оған 54 елден 3500 спортшы қатысып жатыр. Байрақты бәсекеде Қазақстан намысын 5 спорт түрінен 32 спортшы қорғауда. Олар: бокс, дзюдо, таеквондо WTF, еркін және әйелдер күресі.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.