19:56, 18 Мамыр 2017

Ислам ойындары: Азат Махметов Қазақстан қоржынына алғашқы алтынды салды

БАКУ. ҚазАқпарат - Бакуде өтіп жатқан IV Ислам ынтымақтастық ойындарында қазақстандық боксшы Азат Махметов мароккалық қарсыласын 4:1 есебімен жеңіп, Қазақстан қоржынына  алғашқы алтын медальды салды, деп хабарлайды «ҚазАқпарат» ХАА Әзербайжандағы меншікті тілшісі.

Бұл медаль Ислам ынтымақтастық ойындарындағы қазақстандықтардың алғашқы алтыны.

Еске сала кетейік,  12-22 мамыр аралығында Әзербайжан астанасы Бакуде IV Ислам ынтымақтастық ойындары өтуде. Ойындарға 54 елден шамамен 3500 спортшы қатысуда. Қазақстан атынан бес спорт түрінен 32 спортшы қатысып жатыр.

Спорт Әзербайжан
без автора