НҰР-СҰЛТАН. ҚазАқпарат - Түркияда өтіп жатқан Ислам ынтымақтастығы ойындарында спорттық гимнастикадан қазақстандықтар төрт медаль жеңіп алды, деп хабарлайды ҚазАқпарат тілшісі.
Қазақстандық спортшылар командалық жарыста үздік үштіктен көрінді.
Сондай-ақ, жекелей сында үш күміс жүлде қоржынға түсті. Атап айтқанда, Милад Карими керме, Нариман Курбанов гимнастикалық ат, Дмитрий Патанин еркін жаттығудан жүлдегерлер қатарынан көрінді.
Ислам ынтымақтастығы ойындары 2005 жылдан бері тұрақты өткізіліп келеді. Биыл бесінші мәрте жалауын желбіретті.
Биылғы додаға 55 елден спортшылар келді. Ойындар 8 тамызда басталды. Ол 18 тамызда мәресіне жетеді.
Еске салсақ, бүгін Ислам ынтымақтастығы ойындарында Арли Чонтей чемпион атанды.
Сондай-ақ, қазақстандық таеквондошы Жансель Дениз Ислам ынтымақтастығы ойындарының қола жүлдегері атанды.
Фото: olympic.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.