НҰР-СҰЛТАН. ҚазАқпарат - Түркияның Конья қаласында өтіп жатқан Ислам ынтымақтастығы ойындарында жеңіл атлет Михаил Ливтин алтын медаль алды, деп хабарлайды ҚазАқпарат тілшісі.
Ол 400 метрлік қашықтықта жүгіруден сайысқа түсті. Нәтижесінде 45,36 секундтық көрсеткішпен мәре сызығын бірінші болып қиды.
М. Литвин іріктеу кезеңінде 44,94 секундтық көрсеткішпен Қазақстан рекордын жағартқан еді.
Ислам ынтымақтастығы ойындары 2005 жылдан бері тұрақты өткізіліп келеді. Биыл бесінші мәрте жалауын желбіретті.
Биылғы додада 55 елден спортшылар келді. Ойындар 8 тамызда басталды. Ол 18 тамызда мәресіне жетеді.
Қазірге дейін қазақстандық спортшылар 15 медальмен (6 алтын, 1 күміс, 8 қола) жалпыкомандалық есепте үшінші орында тұр.
Көш басында 54 (22-18-14) медальмен Түркия құрамасы келе жатса, екінші орында 29 медальмен (9 алтын, 13 күміс, 7 қола) Иран спортшылар тұр.
Еске салсақ, бұдан бұрын индор хоккейден Азия кубогында қазақстандық екі құрама да жеңіске жетті.
Фото: sport.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.