НҰР-СҰЛТАН. ҚазАқпарат - Қазақстандық көркем гимнастика шеберлері Түркияның Конья қаласында өтіп жатқан Ислам ынтымақтастығы ойындарында қола жүлде алды, деп хабарлайды ҚазАқпарат тілшісі.
Жарыс барысында Эльжана Таниева мен Айбота Ертайқызы командалық көпсайыста үздік үштіктен көрінді.
Дәл осындай жетістікке көпсайыстан ел құрамасы топтық көрсеткіште қол жеткізді.
Ислам ынтымақтастығы ойындары 2005 жылдан бері тұрақты өткізіліп келеді. Биыл бесінші мәрте жалауын желбіретті.
Биылғы додада 55 елден спортшылар келді. Ойындар 8 тамызда басталды. Ол 18 тамызда мәресіне жетеді.
Еске салсақ, бұдан бұрын Исламиадада қазақстандық ауыр атлет Алексей Чуркин күміс медаль алды.
Сондай- ақ, қазақстандық таеквондошы Бауыржан Хасенов Ислам ынтымақтастық ойындарының қола жүлдегері атанды.
Фото: instagram.com
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.