НҰР-СҰЛТАН. ҚазАқпарат – Түркияның Конья қаласында өтіп жатқан Ислам ынтымақтастығы ойындарында қазақстандық жүзу шеберлері Даниэла Дю мен Ксения Игнатова қола жүлдегер атанды, деп хабарлайды ҚазАқпарат тілшісі.
Даниэла 100 метр қашықтыққа еркін жүзуде 00.58.80 нәтижесімен мәрені үшінші болып қиды.
Сондай-ақ, 200 метр қашықтықта 02.15.76 нәтижесімен Ксения қола жүлдегер атанды.
Еске салсақ, бұдан бұрын ел құрамасынан Әділбек Мусин 100 метр қашықтыққа баттерфляй әдісімен жүзуде үздік нәтижеге қол жеткізді. Көрсеткіші – 53,20 секунд.
Ал, София Әбубәкірова 50 метр қашықтыққа баттерфляй әдісімен жүзуде 27,17 секунд көрсеткішімен мәреге қарсыластарынан озық жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.