АСТАНА. KAZINFORM - Испания және Аргентина құрамалары футболдан 2025 жылы Финалиссима турнирінде кездесетін болды.
Финалиссима - Еуропа чемпионаты мен Америка кубогында жеңімпаз атанған құрамалар кездесетін турнир. Бұл турнир 1985 жылы алғаш рет өткізілді. Ол уақытта Артемио Франки кубогы деп аталатын еді.
Алғашқы жылы 1985 жылы Франция құрамасы Уругвайды 2:0 есебімен тізе бүктірді.
Одан кейін 1993 жылы Аргентина Даниямен негізгі кезеңде 1:1 есебімен тең түсіп, пенальтилер сериясында 5:4 есебімен жеңді.
Финалиссима 2022 жылы Аргентина Италиядан 3:0 есебімен басым түсті.
Айта кетсек, 14 шілдеде Еуропа чемпионаты финалында Испания Англияны 2:1 есебімен жеңсе, Аргентина 15 шілдеде Америка кубогында Колумбияны қосымша кезеңде 1:0 есебімен сүріндірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.