АСТАНА. ҚазАқпарат – Италияның оңтүстігіндегі Искья аралында лай көшкіні жүрді, деп хабарлайды ҚазАқпарат euronews.com сайтына сілтеме жасап.
Казамиччиола-Термеде қаласындағы Майо алаңында әйел адамның денесі табылды. Құтқарушылар бірінші осы ауданға жеткен.
«Бір адамның қайтыс болғаны расталды, тағы онға жуық адам із-түзсіз жоғалғандар қатарында», - дейді Неаполь мэрі Гаэтано Манфреди.
Бірнеше үй қираған. Неаполь аймағында кішкентай нәрестесі бар отбасының құтқарылғаны туралы ақпарат тарады.
Лай көшкініне нөсер жаңбыр себеп болған. Күн райы іздеу-құтқару жұмыстарына да кедергі келтіріп тұр.
Айта кетсек, 8 мың адам тұратын Казамиччола-Термеде 2017 жылы жер сілкінісі болып, ол кезде 2 адам көз жұмған.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.