Италия мектептеріндегі ұстаздардың 70%-ының жасы 50-ден асқан. Олардың көбі - әйелдер. Білім беру жүйесі үшін мұғалімдердің жасы үлкен мәселе болып тұр. Жас ұстаздарға жұмыс орны жетіспейді.
Бұл өзге мамандықтарға да қатысты. Жалпы, Италия Еуропадағы ең кәрі ел саналады. Тұрғындарының 20%-ы, яғни 13 млн адам 65 жастан асқан. Халықтың қартаюы осыдан 30 жыл бұрын басталып, елдегі егде жастағылардың саны өсіп келеді.
«Бүгінде халықтың 20%-ы 65 жастан асқан. 20-30 жыл бұрын бұл үлес екі есе аз болатын. Еліміздің қартаюы жалғасып, ондаған жыл өткеннен кейін егде жастағылардың саны 30%-дан асып кетеді», - дейді Демография мен әлеуметтік саясатты зерттеу институтының директоры Коррадо Бонифаци.