НҰР-СҰЛТАН. ҚазАқпарат - Бүгін Италияның Сиена провинциясында шетелдік туристер бар автобус аударылды. Көлік апатының салдарынан бір адам қайтыс болды, шамамен он адам түрлі жарақаттар алды, деп хабарлайды ҚР СІМ баспасөз қызметі.
«Барлық зардап шеккендер жергілікті ауруханаларға жеткізілді, төртеуі ауыр жағдайда. Алдын ала деректер бойынша, апатта зардап шеккендердің арасында қазақстандық азаматтар бар» делінген хабарламада.
Мәліметке сай, қазақстандық консул Рим қаласынан оқиға болған Сиена провинциясына жолға шықты. Толығырақ ақпарат оқиғаның барлық мән-жайын анықтағаннан кейін беріледі.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.