Италияда үй жануарларына арналған әтірге иттің аты қойылды

АСТАНА. KAZINFORM – Dolce & Gabbana компаниясының негізін қалаушылардың бірі Доменико Дольче Fefe атты итінің атымен парфюмерия жасап шығарды. Бұл туралы Sky News хабарлады. 

Басылымның мәліметінше, Fefe парфюмериясы ірі люкс бренді ретінде алғаш рет үй жануарларына арналған ең таңғажайып парфюмерияға айналды.

Компания ұсынған әтір үлгісі үй жануарларының хош иісін таратып, олардың көңіл-күйіне ерекше тыныштық сыйлайды.

Парфюмерлік бөтелкеде 24 караттық алтын жалатылған иттің табан ізі бар және әтір компания иесі Доменико Дольченің Fefe атты итіне деген шексіз махаббатынан туындаған шабытынан жаратылған.

Хош иіске мускус пен сандал ағашының минералдары қосылған, бағасы - 99 еуро.

Айта кетейік, Доменико Дольче 1985 жылы Стефано Габбанамен бірге D&G компаниясын құрып, оны әлемдегі ең әйгілі люкс брендтерінің біріне айналдырды.