АСТАНА. KAZINFORM – Қазақстанның жұптық сындағы бірінші ракеткасы Анна Данилина Парма (Италия) челленджер турнирінің ширек финалына шықты.
Доданың 1-ракеткалары Анна Данилина – италиялық Анжелика Морателли бастапқы кездесуде бельгиялықтар Янина Викмайер – Кимпберли Циммерманның мысын басты.
Матч 6:3, 6:2 есебімен қазақстандық-италиялық дуэттің пайдасына аяқталды.
Бір сағат 6 минутқа созылған бәсекеде Данилина – Морателли эйс жасамағанымен, 6 брейк-пойнттың төртеуін құр жіберген жоқ. Викмайер – Циммерманн 1 эйс, 1 брейктен (5 брейк-пойнт) аса алмады.
Анна Данилина – Анжелика Морателли жартылай финалға шығу үшін тағы бір қазақстандық Жібек Құламбаева – италиялық Николь Фосса-Уэргомен таласады.
Еске сала кетейік, бұдан бұрын теннистен Парма турнирі Путинцева мен Құламбаева үшін сәтті басталғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).