АСТАНА. ҚазАқпарат - Жұма күні Премьер-министр Энрико Леттаның отставкасын қабылдаған Италия Президенті Джорджо Наполитано Флоренция мэрі Маттео Ренциге жаңа үкіметті қалыптастыруға тапсырма берді.
Өткен жылдың желтоқсанында Ренци Демократиялық партияның жаңа көшбасшысы болып танылды. Ал бейсенбіде оның бастамасы бойынша партия Летта үкіметіне сенімсіздік вотумын білдірді.
39 жасар Ренци Италия экономикасын сауықтыру үшін саясаткерлердің аға буынын жаңадан келгендерге жол беру туралы бірнеше мәрте шақырған еді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.