Итбалық, тасбақа, бекіре: Каспийде 39 браконьерлік фактісі әшкере болды

АСТАНА. KAZINFORM — Каспий акваториясында 39 браконьерлік фактісіне жол берілмеді. 

Ұлттық қауіпсіздік комитетінің шекара қызметі шілде айындағы іс-қимыл нәтижесін шығарды. 

ҰҚК шекара қызметі құзырлы органдармен өзара әрекеттесе отырып, шекара кеңістігінде Қазақстан заңнамасын бұзған 4 560 адамды ұстады.

Соның ішінде шекараны бұзып өткен 35, ал шекараны бұзбақ болған 38 шетел азаматы бар.

Мемлекеттік шекарадан әртүрлі затты заңсыз алып өтудің 1 612 фактісінің алды алынды.

Оның:

• 51 — есірткі 
• 111 — атыс қаруы мен оқ-дәрі (2 дана пневматикалық және 206 дана суық қару, 77 дана оқ-дәрі)
• 26 — діни әдебиет (5 351 дана)
• 424 — жалпы сомасы 17 млн теңгеден асатын жанар-жағармай (37 000 литрден астам)
• 835 — жалпы сомасы 2,6 млрд теңгеден астам халық тұтыну тауарлары
• 165 — жалпы сомасы 1,4 млрд теңгеден астам шетел валютасы.

Каспий акваториясында 39 браконьерлік фактісіне жол берілмеді.

Сондай-ақ:

• 27 дана жүзу құралы
• жалпы ұзындығы 16,2 км торды құрайтын браконьерлік аулау құралдары
• 12 дана (4,5 кг) бекіре тұқымдас балық
• 3 481 дана (9 723 кг) таза тұқымдас балық
• 82 дана суда жүзетін тасбақа
• 12 дана суда жүзетін құстар
• 1 дана Каспий итбалығы табылды.

Алды алынған залал сомасы — 42,5 млн теңге.