БЕЙЖІҢ. ҚазАқпарат - Биылғы күзге жоспарланған Ханчжоу-2022 IV Азия Паралимпиада ойындары 2023 жылдың 22-28 қазаны аралығында Ханчжоу қаласында (Чжэцзян провинциясы, Шығыс Қытай) өтеді. Бұл туралы сәрсенбі күні Азия паралимпиада комитеті (АПК) таратқан хабарламада айтылды, деп хабарлайды ҚазАқпарат тілшісі.
Хабарламада Азия Паралимпиада ойындарының ұзақтығы өзгеріссіз қалатыны және Азия ойындары аяқталғаннан кейін екі аптадан соң өтетіні айтылған.
ХІХ Азия ойындары Ханчжоу қаласында 2023 жылдың 23 қыркүйегі мен 8 қазаны аралығында өтеді.
Қытайда Азия Паралимпиада ойындары екінші рет өткелі отыр. 2010 жылы ойындарды Гуанчжоу қабылдаған болатын.
Бұған дейін хабарланғандай, мамыр айында ХІХ Азия ойындарын және Азия Паралимпиада ойындарын кейінге қалдыру туралы шешім қабалданды.
Фото: news.cn
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.