Иван Дычко лейтенант атанды

ҚОСТАНАЙ. 23 қазан. ҚазАқпарат - Лондондағы Олимпиада ойындарының қола жүлдегеріне лейтенант погондары табысталды.

Иван Дычко погондарды Қостанай облыстық ІІД-нің бастығы, «Динамо» дене шынықтыру-спорт қоғамының төрағасы Тілеген Мәткеновтің қолынан алды.

Т.Мәткенов И.Дычкоға келесі Олимпиадада «алтынға» қол жеткізуді тілеп, оған олимпиадалық спорт түрлерін дамытудағы еңбегі үшін тапсырылған ҚР Олимпиада комитетінің дипломы мен төсбелгісі үшін алғысын айтты.