Агенттік төрағасы атап көрсеткендей, осы уақыт аралығында ауыл шаруашылығы жалпы өнімінің көлемі 1453,7 млрд. теңгеге артып, 2010 жылғы қаңтар-қыркүйек айларымен салыстырғанда, 11 пайызға ұлғайды. Сыртқы сауда айналымы 79668,4 млн. АҚШ долларын құрап, 2010 жылғы қаңтар-тамызбен салыстырғанда 38% өсті, оның ішінде экспорт - 56707,5 млн. АҚШ доллар (45,6% өсті), импорт - 22960,8 млн. АҚШ долларын құрады (22,3% өсті). «Осы және басқа да экономикалық көрсеткіштердің нәтижесінде еліміздегі ішкі жалпы өнімнің көлемі 6,8 пайызды құрады. Бұған дейін Үкімет басшысы Кәрім Мәсімов атап көрсеткендей, болжам бойынша бұл көрсеткіш 7 пайызға өспек», - дейді Ә.Смаилов.
12:30, 14 Қазан 2011
ІЖӨ 6,8 пайызға өсті - Статистика агенттігі
АСТАНА. 14 қазан. ҚазАқпарат /Арман Асқаров/ - 2011 жылы қаңтар-қыркүйек айларында еліміздің ішкі жалпы өнімнің көлемі 6,8 пайызды құрады. Бұл туралы бүгін Астанада өткен баспасөз мәслихатында ҚР Статистика агенттігінің төрағасы Әлихан Смаилов мәлім етті.