НҰР-СҰЛТАН. ҚазАқпарат – Израиль археологтері елдің оңтүстігіндегі Негев шөлінен көне мешіттің іргетасын тапты, деп хабарлайды ҚазАқпарат Еuronews-ке сілтеме жасап.
Мешіт іргетасы Рахат қаласындағы жаңа кварталдың құрылыс жұмыстары кезінде табылған. Көлемі шағын әрі формасы шаршы тәріздес келген. Сондай-ақ, михраб – жартылай дөңгелек ғибадат орны болған.
Мешітке таяу жерден византия кезеңінің фермер үйі және ерте ислам кезеңінің «сән-салтанатты помещик жері» де табылған.
Израиль мамандары бұл артефактілердің ғалымдарға аймақтың христиан дінінен Исламға қалай өткенін тереңірек түсінуге септігін тигізетінін айтады.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.