Израиль Ирландия мен Норвегиядағы елшілерін кеңесуге шақырды

АСТАНА. KAZINFORM — Бүгін Израиль Сыртқы істер министрі Исраэль Кац «X» әлеуметтік желісінде Норвегия мен Ирландияның Палестинаның тәуелсіздігін мойындауына байланысты мәлімдеме жасады.

«Мен Израильдің Ирландия мен Норвегиядағы елшілерін Палестина мемлекетін мойындау туралы осы елдердің шешімдері бойынша кеңес алу үшін дереу шақыруды тапсырдым», — деп жазады Исраэль Кац.

Оның айтуынша, Израиль өзінің егемендігіне нұқсан келтіретіндердің алдында үнсіз қалмайды.

«Мен Ирландия мен Норвегияға айқын және біржақты сигнал жіберемін: Израиль оның егемендігіне нұқсан келтіріп, оның қауіпсіздігіне нұқсан келтіретіндердің алдында үнсіз қалмайды. Израиль үндемейді-одан әрі ауыр зардаптар болады. Егер Испания Палестина мемлекетін тану ниетін жүзеге асырса, оған қарсы да осындай қадам жасалады», — деп атап өтті Израиль СІМ басшысы.

Бүгін Испания, Ирландия және Норвегия үкіметтері Палестинаның мемлекеттігін мойындайтын мәлімдеме жасайтыны бұрын хабарланған болатын.