АСТАНА. KAZINFORM – Израиль армиясы бейсенбі күні ливандық «Хезболла» ұйымы содырларының Израильге қарсы 90-ға жуық зымыран ұшырғанын анықтады. Бұл туралы Израиль қорғаныс күштерінің (ЦАХАЛ) баспасөз қызметі мәлімдеді, деп хабарлайды ТАСС ақпарат агенттігі.
Мәлімдемеде атап өтілгендей, ЦАХАЛ Израиль мен оның халқын «Хезболладан» келетін қауіп-қатерден қорғауды жалғастырмақ.
Бұған дейін Ливан премьер-министрінің міндеттерін уақытша атқарушы Наджиб Микати Израильмен атысты тоқтату туралы келісім бірнеше күн ішінде жарияланады деп үміттенген. Премьер мәлімдемесі АҚШ қолдаған атысты тоқтату туралы ұсыныстың егжей-тегжейі ашылып кеткен кезде жасалды.
31 қазанда Израильдің Бейт-Лахияға жасаған соққысынан 100-ден астам палестиналық қаза тапқаны хабарланған болатын.
Зарина Туғанбаева
Л.Н. Гумилев атындағы Еуразия Ұлттық университетінің түлегі. Еңбек жолын Ақмола облысы Целиноград аудандық «Ұран», «Призыв» газеттерінде тілші болып бастаған. Kazinform ақпарат агенттігінде 2011 жылдан бері қызмет атқарып келеді.