АСТАНА. KAZINFORM — Келіссөз туралы Израиль СІМ басшысының Будапештке сапары аясында айтылды, деп хабарлайды Кazinform агенттігінің меншікті тілшісі.
Израиль Сыртқы істер министрі Гидеон Саар 8 қыркүйекте Тель-Авив АҚШ президенті Дональд Трамптың Газа келісімі туралы ұсынысын қабылдағанын айтты.
Саардың айтуынша, Израиль соғысты аяқтайтын және кепілге алынған адамдарды босатуды және ХАМАС-ты қарусыздандыруды көздейтін «толық келісімге» дайын: мәлімдеме Будапешттегі баспасөз мәслихатында айтылды.
Бір күн бұрын АҚШ президенті Израильдің өзі қойған шарттарға келіскенін мәлімдеген.
Израиль қорғаныс министрі Израиль Катц мәлімдеме жасады.
— Бұл менің Газадағы және шетелдегі қонақүйлердегі ХАМАС содырларына соңғы ескертуім: кепілге алынғандарды босатып, қару-жарақтарыңызды тапсырыңыздар, әйтпесе бұл аймақ жойылады, сіз де жойыласыз, - деді ол.
Ол Газада бақылау орнату операцияларын кеңейтудегі дайындық барысын атап өтті.
Израиль қалаға шабуылдың басталғанын ресми түрде жариялаған жоқ. Бірақ соңғы күндері көпқабатты үйлерге соққы беріп, оларды ХАМАС әскери мақсатта қолданады деп мәлімдеді.
Газа секторындағы азаматтық қорғаныс қызметінің мәліметі бойынша, жексенбіде кем дегенде 48 адам қаза тапты, тағы 10 адам Газа қаласының айналасындағы түнгі соққылардан көз жұмды.
«Соңғы ескерту» аясында ХАМАС «дереу келіссөздер үстеліне отыруға» дайын екенін мәлімдеді. Бұл келісімді соғыстың аяқталғаны туралы нақты хабарландырумен, Израиль күштерін сектордан толық шығарумен және тәуелсіз мамандардан уақытша Палестина әкімшілігінің құрылуымен байланыстырды.
Израиль армиясы Газа секторында қалған кепілге алынған адамдардың санын 47 деп есептеп отыр, олардың 25-і қайтыс болған. ХАМАС кезең-кезеңімен босатуды және кеңірек саяси жағдайларды талап етеді. Бұған дейін Палестина қозғалысы 60 күндік бітімгершілікке кезең-кезеңімен келіскен.
Израиль Газа секторына шабуылды күшейтіп, көшіп-қонғаннан әбден қажыған халықты қоныстарын тастап кетуге мәжбүрлеп отыр. Бұл туралы БҰҰ Бас хатшысының өкілі Стефан Дюжаррик апталық брифинг барысында мәлім етті.