Израильдің Газаға жасаған шабуылдарынан 18 адам қаза тапты

АСТАНА. KAZINFORM — Израиль ХАМАС атысты тоқтату келісімін бұзды деп мәлімдегеннен кейін Газаға қайтадан соққылар жасап, онда 18 адам қаза тапты, деп хабарлайды Аljazeera.

Израиль премьер-министрі Биньямин Нетаньяху ХАМАС ұйымының оқ атуды тоқтату режимін бұзғанын мәлімдегеннен кейін әскеріне анклавқа шабуыл жасауды қайта бастауға бұйрық берді. Газа секторына жасалған көп соққының салдарынан 18 адам көз жұмды.

Ауруханадағы дереккөздер сейсенбі күні Газа қаласының Сабра ауданында 4 палестиналық және Хан Юнисте 5 адам қаза тапқанын хабарлады. Бүкіл аумақта 50 адам жарақат алды.

Нетаньяху кеңсесі бұған дейін мәлімдеме жасап, ол әскерилерге «тез арада күшті соққылар беруді» бұйырғанын айтқан.

Алайда АҚШ вице-президенті Джей Ди Вэнс Израильдің Газа қаласына шабуыл жасауына, екі тараптың да мәмілені бұзғанына қарамастан, оқ атуды тоқтату режимі сақталып отырғанын хабарлады.

— Оқ атуды тоқтату режимі сақталады. Бұл ұсақ қақтығыстар болмайды дегенді білдірмейді, — деп мәлімдеді Джей Ди Вэнс журналистерге.

Айта кетейік, бұған дейін Израиль армиясы Батыс Шерияда 21 палестиналықты ұстады.