АСТАНА. KAZINFORM – 2023 жылдың 8 қазанынан бері Израильдің Ливандағы соққыларының салдарынан 2309 адам қаза тапты. Бұл туралы Ливан денсаулық сақтау министрлігінің мәлімдемесінде айтылған, деп жазады Анадолы.
Тағы 10 782 адам жарақат алды, делінген хабарламада.
Бір күн бұрын Израиль әскерінің шабуылдары нәтижесінде 3 адам қаза тауып, 84 адам жараланғаны атап өтілді. Израильдің Ливандағы бомбалауы салдарынан 100 мың адам үйлерін тастап кетуге мәжбүр болды.
Елдің оңтүстік аймақтарынан ел астанасы Бейрут пен солтүстікке қарай көшу толқыны жалғасуда. Ливан үкіметі 430 мыңнан астам босқын Сирияға қашып кеткенін хабарлады.
Айта кетейік, бұған дейін «Хезболла» Израиль базасына дронмен шабуыл жасап, төрт сарбаз мерт болғанын жазған едік.
Сауд Арабиясы Ливанға 40 млн тонна гуманитарлық көмек жөнелтті.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы