08:22, 28 Қыркүйек 2009

Каддафи Африка және Оңтүстік Америка елдерін НАТО сияқты одақ құруға шақырды

АСТАНА. Қыркүйектің 28-і. ҚазАқпарат   Ливия   басшысы Муамар  Каддафи    Африка  және   Оңтүстік Америка  елдерін НАТО сияқты  әскери одақ құруға  шақырды.  «Біз  өз НАТО-мызды,  оңтүстік    альянсымызды  құруымыз  керек»,-  деп мәлім етті Каддафи    Венесуэланың Парламар қаласында өтіп жатқан  Африка және  Оңтүстік Америка елдері  басшыларының   халықаралық  саммитінде.

Бұл   туралы   РБК агенттігі  хабарлады. 

Каддафи  мен Венесуэла    президенті Уго Чавес     Оңтүстік Америка мен Африканың 30 елінің басшыларын    екі  құрлық   мемлекеттерінің арасындағы саяси және  экономикалық  байланыстарды  нығайтуға       шақырды.  Чавестің айтуынша,    бұдан былай әлем монополярлы  болмауы  керек.

Қазіргі уақытта  Каддафи    құрлықтағы  ірі мемлекетаралық   ұйым  саналатын  Африка  Одағының   басшысы  болып табылады.

Әлем жаңалықтары
без автора