Podshare тұжырымдамасына сәйкес, барлық тұрғындар кереует, теледидар, тоқ розеткалары және шамы бар арнайы ұяшықтарға жайғасады. Мұндағы дәретхана, жуынатын бөлме және асүй бөлмесі барлық тұрғындар үшін ортақ.
Осындай қонақүйде бір түн жату бағасы - 40-тан 50 долларға дейін. Жоба Лос-Анджелес пен Голливудта локацияларын ашты. Podshare сондай-ақ өз тұрғындарына күніне 15 долларға жұмыс орнын жалға алуды ұсынады.
Калифорнияда баспананың тым жоғары бағасы өз мансабын енді бастап келе жатқан қызметкерлерді жалға алудың баламалы нұсқаларын іздеуге мәжбүрлейді. Мәселен, кейбір қызметкерлер жұмыс істейтін кеңселерінің қасындағы көлік тұрағында орналасқан жүк көліктері мен шағын автобустарда тұруға бейімделеді.